Har lenge leita etter den perfekte arbeidsstaden der eg ka ha heimekontor, utan å vere heime. For arbeidsmoralen heime er lik null. Det vil sei, kvar gong eg skal til å arbeide med det eg eigentleg burde, finn eg plutseleg ut at eg må vaske kle, ta oppvasken, gå ut med søpla og så bort etter… Og for å arbeide godt er eg avhengig av å vere rundt mennesker som arbeider, og på kaféar finn ein dette – men det er så mykje som byr meg i mot å ha ein kafé som fast arbeidsplass. Men, no fins den perfekte arbeidsplassen! Sjølv om det berre er for ei kort stund. Kom over den gjennom ein tidlegare Øya-kollega, som er kaospilot (slike folk får ofte kule ting til å skje), og tenkte at dette måtte eg sjekke ut. Så i dag var eg og Christopher innom PopUp Huben ved Tøyensenteret.
Hagen i kontorlandskapet
Pop Up Hub? Huben er eit opent kontor som har som formål å byggje eit fellesskap av menneske som arbeider mot ein open innovasjon på tvers av ulike sektorar i Oslo. Det er rett og slett ein stad som deler fysisk plass til ulike idear, kunnskap og erfaringar fra dei som dukkar innom. Og fungerer det? Ja. I løp av kun kort tid fekk eg gjort dagens gjeremål, fekk plukke i hjernen til fleire interessante menneske, og eg rakk å la meg inspirere opptil fleire gonger. Det er så bra at det nesten er på kanten til irrititerande.
Christopher plukkar hjernen til Bengler-Even som stakk innom
Bengler-Even er engasjert og vil lage eit produkt som eg vil ha fingrane i
Møterom fins der også
“Hey we used to work together”! Networking i eit nøtteskal.
Huben er berre open denne veka, men fungerer som ein prototype der motivatørane kan finne ut kva som fungerer, kva som ikkje fungerer og prøve å utvikle eit produkt som kan vere fast i Oslo om ei stund. For min del var det kun ein ting eg sakna, for å vere den perfekt arbeidsplassen – ein printar, men det viste seg at det fantest i lokalet. 100 spenn, trådlaust nett og endelaust med kaffi. Tommel opp for PopUp Huben, Marte og Brock!
