Ein veit ein er på Nedreberg når…

... ein nermast sovnar til ein konstant dur, nasa er full av pels, og ein raskt vaknar når kinnet får ein omgang med sandpapir. 

Idyll

Foto: Ståle Hundeide

Julekos på Nedreberg

Bra kos og god julestemning.

Tilbake til sprengkulda?

No må eg jammen nyte den siste dagen godt foran peisen på Nedreberg.

Det finaste treet

La meg introdusere deg til det finaste treet eg har sett på lenge. Hans Magnus og Janet sitt tre. Det består av denne flotte oppskrifta: Juletrelys, pepperkake med navna til alle dei som skal feire jul her gravert inn med melis, og 24 hekla, unike snøfnugg. Guirlander av popcorn og kirsebær (eller var det… hmm…)

Julestemning, takk for at du kom.

Tilbaks til gards

Er tilbake i Stryn. Fryd og gammen. Starta dagen med ein liten frukost, også var det dags for å jobbe i skogen. Eg presterte å tryne midt oppi ei maurtue med ein stokk i kvar hand. Lekkert. Så no har eg skrubbsår på knea for første gong på lenge. I kveld er det lettsalta brosme på menyen, noko som må vere livretten min i følge reaksjonen min når eg fekk høyre at vi skulle ha det. Hjertet banka som om eg var forelska. Hurra!

Hans Ulrik med stjerner i augene.

Tormod i skappeleg antrekk; Dugnad.

Utsikt mot Olden. Mykje finare når Jannike er heime.

Skofus som var min sengekamerat i natt. Så mjuk og god pels skal ein leite lenge etter.

Fagre Stryn

I helga som var, var heile familien samla i Fagre Stryn. Det var tid for bryllaup!
Hans Magnus leigde stor bil, og vi fylte bilen opp med Hans Ulrik, Tormod, Åse Maria, Janet og meg. Det var strålande sol og kjærleik i lufta. Og oh my god kor den kjensla av “åh så vakkert her er” dukka opp etter å ha vakna utkvilt heime på garden! Som om å bli fødd på ny;)

Bryllaupet tok stad fredag 1. mai, ein ven dag for giftemål! Vi var i kyrkja i Hornindal, der mamma og pappa var forlovarar. Dei gjorde ein fram i frå jobb! (Det gjorde forøvrig brura og brudgommen også) Mat konsumert i Stova, og dans i skulehuset. Åse Maria og eg var så heldige å få ha på oss farmor sine gamle kjolar. Og Åse Maria og Tormod tok på seg hovudansvaret for danseunderhaldninga. Dei fekk det til å gå opp for meg for eit flott par dei er, eg kan ikkje tenke meg ein betre match. (Og det ser vi vel beviset på under her også? Hans Ulrik er ingen dårlig combo!)

Hans Ulrik som Shell-gut.

Utsikta frå heimen – inn mot Olden, der Jannik bur!

Skofus. Do I need to say more?

Lykke på kyrkjetrappa.

Åse Maria som dansar ein “sosialistisk dans” i kjolen til farmor.

Eg i den vakre kjolen til farmor. Har aldri hatt på meg noko så stasleg før.

Stemningsrapport frå Nedreberg

I går var det julesamling på Alexandra med venninnene. Kvelden starta hos Solveig, som var usedvanlig godt å sjå igjen etter at ho har vore på Bali. Der kosa vi oss med vin og gode historier medan vi gjorde oss klar før det bar vidare til Alexandra for ein betre middag og fest i dancingen etterpå. Utpå kvelden kom også Christopher og Stig og co, og etter omlag ei veke utan dei, var det veldig godt å sjå dei igjen. Kjekt å møte alle vennane samla på ein stad i jula, og guri land så flotte alle var. Kom heim seint i natt, og du verda så godt det var å legge seg.

I dag var det opp og stable ved. Mamma diska opp med klubb til middag, noko som er uhyre godt! Pusen kosar seg på sofaen, Hans Ulrik krabbar rundt på golvet på oppdagelsesferd, Tormod har sovna på fanget mitt og julestemninga er på topp. I kveld skal vi spele “Bet your brain”, som er det nye brettspelet som er kome i hus. Det er ABSOLUTT til å anbefale! Eg har sjelden blitt så engasjert. På lag som Fantasi/TP… Slik står det på “Bet your brain” sine sider:  “I Bet Your Brain® skal alle talenter og ferdigheter tas i bruk. Uansett om du er nerd, taktiker, god til å tenke logisk, allmennviter eller klarer å lese dine motstandere – har du sjansen til å vinne.
Grunnideen til spillet er at man satser på sin egen- eller motstanderens kunnskap. Eller mangel på sådan! Derfor har alle en sjanse til å vinne, uansett hvor mye kunnskap man sitter på.”

I love it.